Ftit jiem bogħod miċ-ċelebrazzjonijiet tal-Karnival, il-Fondazzjoni Kummuttiva tax-Xagħra flimkien ma’ Ta’ Lajku Confectionery qed jagħmlu l-akbar prinjolata li qatt saret fil-ġżejjer Maltin.
Il-prinjolata li mistennija tkun tiżen 800 kilogramma, se tibda titqassam mis-Sibt l-1 ta’ Marzu fil-pjazza tan-Nażżarenu fix-Xagħra Għawdex mis-7.30 p.m. ‘il quddiem. Preżenti se jkun hemm ukoll uffiċjali tal-Malta Records biex jivverifikaw li din il-prinjolata hija l-akbar li qatt saret f’Malta u għalhekk tiġi ċċertifikata bħala rekord nazzjonali.
Kull min se jmur biex iduq din il-prinjolata mhux biss se jissodisfa t-togħma bil-ħlewwa tagħha iżda se jkun qed jgħin ukoll biex jinġabru fondi b’risq Puttinu Cares.
It-tqassim tal-prinjolata jkompli l-Ħadd 2 ta’ Marzu fil-Pjazza Vitorja fix-Xagħra mill-10.00 a.m. ‘il quddiem.
The post Lokalità żgħira bl-akbar prinjolata appeared first on TVM.