Uffiċjali tal-gvern Libjan ikkundannaw il-ħidma li wettqu l-Amerikani jumejn ilu meta arrestaw lil Ahmed Abu Khattala, suspettat li kien il-moħħ wara l-attakk fuq il-konsulat Amerikan f’Bengażi fl-2012.
Il-Ministru tal-Ġustizzja, Salah al-Marghani (lemin), qal li l-arrest ta’ Khatalla kien attakk fuq is-sovrenità tal-pajjiż u nsista li Khatalla jittieħed lura l-Libja biex jgħaddi ġuri hemmhekk.
Sadanittant, l-Amerikani nfurmaw lill-Kunsill tas-Siġurtà tan-Nazzjonijiet Maqgħuda li kienu qabdu lil Khattala mil-Libja għax l kienu konvinti li kien qed jippjana attakki oħra kontra l-Amerikani.
F’ittra lill-Kunsill, li tagħha l-Associated Press għandha kopja, l-Ambaxxatur Amerikan Samantha Power qalet li l-qbid ta’ Khattala kien meħtieġ biex ma jsirux attakki armati kontra pajjiżha u skont id-dritt tal-Amerikani li jiddefendu lilhom infushom.
Power qalet li Khattala se jgħaddi ġuri f’qorti federali Amerikana.
The post Khattala: il-Libjani jipprotestaw mal-Amerikani appeared first on TVM.