Il-fjamingu li qatta’ l-aħħar jiem fis-Salini, limiti tal-Qawra, matul il-lejl li għadda temm il-btala li kien qed jagħmel f’Malta u tar lejn Sqallija.
Il-fjamingu kien deher għall-ewwel darba l-ġimgħa l-oħra f’Marsaxlokk u mbagħad sal-bieraħ filgħaxija qagħad fis-Salini.
Il-fjamingu li huwa protett bil-liġi, kien mgħasses 24 siegħa kuljum minn impjegati u voluntiera tal-BirdLife, residenti u pulizija u rawh iħalli Malta għall-ħabta tal-11 p.m.
Li kieku l-fjamingu estenda ż-żjara f’Malta, bejn illum u għada, l-BirdLife stiednet lill-pubbliku biex iżur is-Salini ħalli jara u jitgħallem aktar dwar dan l-għasfur u jagħtih isem.
Iżda l-fjamingu laħaq telaq qabel din l-attività u għalhekk se jibqa’ bla isem.
Il-filmati tal-fjamingu, nġibdu mill-cameraman ta’ TVM Justin Vassallo nhar il-Ħamis li għadda.
Are wkoll: http://www.tvm.com.mt/news/ghassa-stretta-ghal-fjamingu/
The post Il-fjamingu jibqa’ bla isem appeared first on TVM.