Miksi bid-demm u bi qtugħ ma’ ġismu kollu, tifel żgħir Palestinjan beda jgħajjat “irrid lill-papà, ġibuli lill-papà”.
Hekk kif ħaddiema tal-isptar ipprova jniżżlu fuq is-sodda, it-tifel qabad miegħu bħal qarnita u ma riedx jitilqu qabel jara lil missieru.
Dan ir-ritratt emozzjanti huwa riflessjoni oħra tat-tbatijiet kbira li qed jgħaddu minnha kemm it-tfal u anke l-anzjani fil-kunflitt li għaddej fil-Medda ta’ Gaza fejn fl-aħħar sigħat Iżrael irrifjuta li jwaqqaf il-bombardamenti fuq Gaza.
It-tifel kien qiegħed jiġi ttrasferit fl-Isptar al-Shifa fil-belt ta’ Gaza, irrapportat l-pubblikazzjoni favur il-Palestinjani Intifada.
Huwa kien wieħed minn erba’ aħwa, tnejn minnhom ta’ tliet snin li ttieħdu l-isptar għall-ġrieħi serji li ġarrbu.
Huwa mifhum li s’issa l-għadd ta’ Palestinjani maqtula tela’ għal 580.
Il-Minsitru tal-Finanzi ta’ Israel kien rapportat jgħid li lbieraħ kien jum ieħor ta’ attakki qawwija u xejn mhu se jżommhom milli jkomplu bl-operazzjoni tagħhom li fi kliemu hija waħda bżonnjuża.
The post Il-kriżi f’Gaza: Tifel miksi bid-demm jgħajjat “Irrid lill-papà” appeared first on TVM.