F’rejd f’appartament f’San Pawl il-Baħar, Pulizija mill-Iskwadra ta’ Kontra d-Droga sabu aktar minn kilogramma reżina tal-kannabis, qrib in-nofs kilo ħaxixa tal-kannabis, 100 gramma kokaina, pilloli maħsuba li huma ecstasy u għaxar dożi suspettati ta’ LSD . Il-Pulizija qalet li din il-qabda ta’ droga saret wara ġimgħat ta’ investigazzjoni. Tliet żgħażagħ Malti ta’ 23 sena, Bulgaru u Ingliż ta’ 22 sena ġew arrestati mill-Pulizija u mistennija jitressqu l-qorti għada.
L-investigazzjonijiet għadhom għaddejjim u l-Maġistrat tal-Għassa qed imexxi inkjesta.
The post Tliet żgħażagħ arrestati wara sejba kbira ta’ droga appeared first on TVM.