Persuni mhux magħrufa lbieraħ daħlu fil-kumpless Inspire f’Wied il-Għajn li joffri għadd ta’ servizzi lill-persuni b’diżabilità u wettqu vandaliżmu f’diversi postijiet.
Fuq il-paġna tagħhom ta’ Facebook, Insipre Malta qalu li kien qed jiddispjaċihom li jwasslu din l-aħbar. Qalu li rari jitfgħu aħbarijiet ħżiena fuq il-profill tagħhom iżda din id-darba kienu qed jagħmlu dan għax għandhom bżonn l-għajnuna tagħhom.
Qalu li lbieraħ filgħaxija l-kumpless tagħhom f’Wied il-Għajn li jintuża għat-terapija għall-persuni b’diżabilita, kif ukoll għall-ġbir ta’ fondi, ġie vvandalizzat wara li persuni mhux magħrufa daħlu fil-post u ferrxu ż-żebgħa f’diversi postijiet. Qalu li ħadd mill-annimali ma sofra xi ġrieħi iżda għandhom bżonn l-għajnuna tal-pubbliku biex jirranġaw il-ħsara li saret u biex iżiedu l-miżuri tas-sigurtà.
The post Ivvandalizzat il-kumpless tal-Inspire f’Marsascala appeared first on TVM.