Il-Ministru Emanuel Mallia qal ilbieraħ fil-Parlament li mir-riċerki li saru mal-għases tal-pulizija tal-Qawra u ta’ San Pawl il-Baħar ma kien hemm l-ebda rapporti li dawn kienu qed juru siti pornografiċi.
Mistoqsi mid-deputat Ċensu Galea jgħid jekk il-Pulizija rċevewx rapporti dwar il-fatt li l-interactive boards/panels li twaħħlu fil-front ta’ Buġibba kienu qed juru siti pornografiċi, kemm-il rapport kien hemm, u fuq liema minn dawn il-boards kien qed jiġri dan, il-Ministru Mallia wieġeb li jidher li sat-12 ta’ Lulju, il-jum meta ġew konklużi r-riċerki, ma kien hemm l-ebda rapporti fuq il-materja in kwistjoni u għalhekk ma setgħu jittieħdu l-ebda passi.
The post Ebda rapporti ta’ pornografija fuq l-intractive boards f’Buġibba appeared first on TVM.